Un sìculu-miricanu di Houston, Texas unni crisci so figghiu ‘n sicilianu. Àvi un canali nne YouTube, «Sicilian with Nick» unni sparti u so viaggiu câ lingua siciliana. Diplumatu ‘n linguìstica, travagghiau cu assai lingui minuritari e voli vìdiri un futuru cu cchiù diversità linguìstica.

Studenti sicilianu, scritturi, pueta, tradutturi amaturiali e appassiunatu dâ lingua siciliana. È criaturi e mod di r/sicilianu, unni nzigna u sicilianu e sparti i so traduzzioni ‘n sicilianu standard.

Sicilianu, è dutturannu ‘n matimàtica appricata all’Università di Oxford e ricircaturi dû labburatoriu nazziunali britànnicu ncapu â fusioni nucliari a Culham. Travagghia a vari prujetti nfurmàtici ncapu ô sicilianu.

Natu a Àrcamu u vintunu aprili 2001.

Studenti di giugrafìa, appassiunatu di lingui, funètica e scrittura.

Prufisurissa di lingui (russu, spagnolu, ngrisi e sicilianu), cria cuntunti ncapu a lingua siciliana ntô prufilu Instagram @Sikelia_Lang, e pubblica u podcast “Comu Veni Si Cunta”, u sulu podcast ‘n sicilianu ibbleu.

Marsalisi, àvi tri anni ca nzigna sicilianu â diàspura siciliana ntê Stati Junciuti cu Italian Charities of America. Appassiunata dâ so lingua e cultura siciliana, puru si sta luntanu dâ so terra.

Subreddit unni i siciliani scrìvinu ‘n sicilianu strittu. I cumpari ḍḍa supra foru funnamintali pill’urganizzazzioni dâ simana dû sicilianu.